Uitsig Gemeente glo/is oortuig dat:

"Die liefde van Christus dring ons, omdat ons tot die oortuiging gekom het dat een vir almal gesterf het en dit beteken dat almal gesterf het…" - 2 Kor 5:14

Ons identiteit as geloofsfamilie is diep gewortel in hierdie liefde van Christus. Die woorde van hierdie vers anker ons, rig ons gedagtes en dryf ons om in pas met die lewende God te leef. Christus se liefde dring ons op so n manier dat ons harte "omgee" klop. Sy omgee laat ons ook omgee – vir God se Woord, vir mekaar en vir die wêreld.

Mag jy, wat hier lees, ook diep bewus wees van God se liefde wat wyd en ver en hoog en diep strek.